Öryggis- og aðgangsstýrikerfi

Kjarnanámskeið í Meistaraskóla rafvirkja/Meistaraskóla rafeindavirkja

Öryggis- og aðgangsstýrikerfi (MÖRY4AS02) - 2 einingar

Viðfangsefni námskeiðsins er uppbygging, forsendur og hönnun sambyggðra öryggis- og aðgangskerfa.

Nemendur fá yfirsýn yfir uppbyggingu innbrotsviðvörunarkerfa og forsendur sem liggja að baki stjórnun og vöktun hurða. Einnig er farið í öryggisstig við vöktun hurða og frágang búnaðar við hurðir.

Þá eru mismunandi gerðir aðgangskerfa kynntar, farið í val á aðgangskortum, skilríkjum, lestrartækni og raflyklum og þá möguleika sem slíkur búnaður býður upp á. Þátttakendur fá innsýn í og skilning á helstu kerfum, tengingum, virkni og almennum viðmiðunum um öryggis- og aðgangskerfi hér á landi.

Námskeiðið er fyrir rafiðnaðarmenn sem starfa við uppsetningar og viðhaldsstörf tengdum aðgangs og öryggiskerfum. Einnig er námið góður grunnur fyrir þá sem sinna öryggisráðgjöf og sölustörfum.

Í umsóknarferlinu birtist RSÍ endurmenntunarverð námskeiða.

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni.