Stafrænar eftirlitsmyndavélar

Áfangaheiti: IPMY08NMSK

Á námskeiðinu verður farið ítarlega í uppbyggingu og hönnun stafrænna eftirlitsmyndavélakerfa.

Nemendur munu kynnast undirstöðuatriðum eins og þjöppun, upplausn myndavéla, gagnastærðum og myndflögum. Fjallað verður um tengingar við netlægan upptökubúnað og val á geymslumiðlum fyrir upptökur.

Kennslan mun innihalda yfirlit yfir mismunandi myndavélakerfi og uppbyggingu þeirra, ásamt kynningu á algengustu hugbúnaðarkerfum sem notuð eru í eftirlitsmyndavélakerfum. Nemendur fá innsýn í myndgreiningu og notkun myndgreiningarhugbúnaðar, og námskeiðið mun veita yfirlit og dæmi um notkun stafrænna eftirlitsmyndavélakerfa í raunverulegum aðstæðum.

Markmið

• Veita nemendum innsýn í uppbyggingu og hönnun stafrænna eftirlitsmyndavélakerfa.
• Kenna undirstöðuatriði eins og þjöppun, upplausn myndavéla, gagnastærðir og myndflögur.
• Fjalla um tengingar við stafrænan netlægan upptökubúnað og val á geymslumiðlum fyrir upptökur.
• Kenna notkun algengustu hugbúnaðarkerfa fyrir eftirlitsmyndavélakerfi.
• Veita yfirlit og dæmi um notkun stafrænna eftirlitsmyndavéla í raunverulegum aðstæðum.

Fyrir hverja

• Námskeiðið er ætlað einstaklingum sem vilja læra um hönnun og notkun stafrænna eftirlitsmyndavéla, hvort sem þeir eru byrjendur eða með grunnþekkingu á sviðinu.
• Aðila sjá um uppsetningu og viðhald á eftirlitsmyndavélakerfum
• Hentar vel fyrir þá sem vinna við öryggislausnir, tæknistjórnun eða á sviði upplýsingatækni.

Fyrirkomulag

• Kennslan inniheldur yfirlit yfir myndavélakerfi og uppbyggingu þeirra.
• Kynning á algengustu hugbúnaðarkerfum sem notuð eru í eftirlitsmyndavélakerfum.
• Fjallað um myndgreiningu og notkun myndgreiningarhugbúnaðar.
• Yfirlit og dæmi um notkun stafrænna eftirlitsmyndavéla í raunverulegum aðstæðum.

Námskeiðsgögn

• Allt námsefni verður afhent á PDF formi og verður aðgengilegt nemendum í gegnum námskeiðsvefinn.

Námskeiðið er dagsnámskeið sem endar með verkefnaskilum þar sem nemendur munu staðsetja myndavélar á teikningu og svara nokkrum grunnspurningum tengdum námsefninu. Þetta tryggir að nemendur hafi hagnýta færni og skilning á þeim þáttum sem koma að hönnun og notkun stafrænna eftirlitsmyndavéla.

Í umsóknarferlinu birtist RSÍ endurmenntunarverð námskeiða.

Áður en þú sendir inn umsóknina merkirðu við hvort þú tilheyrir öðrum verðflokkum og er verðinu breytt handvirkt skv. því í innrituninni