Hagnýtar gervigreindarlausnir

Velkomin til tímabils þar sem gervigreind er ekki aðeins framtíðarlegt hugtak, heldur raunverulegt tól - innan seilingar. Námskeiðið er yfirgripsmikið og vandlega hannað af verkfræðingum sem búa að mikilli reynslu í að skapa verðmæti með gervigreind, Sverri Heiðari Davíðssyni og Corey Harpe. Markmið námskeiðsins er að byggja sjálfstraust og sjálfstæði þátttakenda í notkun gervigreindar og opna þar með á ný tækifæri og möguleika í starfi og einkalífi.

Á námskeiðinu er lögð áhersla á að kynna fjölbreyttar leiðir til að nýta ChatGPT. Ekki er kafað djúpt í einstök svið eins og forritun, markaðssetningu eða rannsóknir heldur er lögð áhersla á að gefa þátttakendum góða undirstöðuþekkingu og yfirsýn á möguleikum með ChatGPT í fjölbreyttum verkefnum. Markmiðið er að þátttakendur hafi nægan skilning til að geta yfirfært lærdóminn á eigin verkefni.

Hvorum degi er skipt í tvo hluta og hver hluti samanstendur af fyrirlestri og æfingum. Nægur tími verður fyrir spurningar, umræður, aðstoð og pásur samhliða fyrirlestrum og æfingum.

Athugið að uppfærslur eru reglulegar á ChatGPT líkaninu og hinum ýmsum tólum innan þjónustunnar. Námsefnið er alltaf uppfært eins fljótlega og hægt er en námskeiðslýsingin er ekki alltaf uppfærð samhliða breytingum.

Á fyrsta degi námskeiðsins er lögð áhersla á skilning á spunagreind og ChatGPT. Ekki er gert ráð fyrir að þátttakendur skilji eða hafi notað ChatGPT eða önnur gervigreindartól. Byrjað er frá grunni með almennri kynningu á ChatGPT, notendaviðmótinu, stillingum og helstu hugtök útskýrð. Eftir það er farið yfir hvernig ChatGPT getur búið til og verið notað með myndrænu efni. Farið er yfir mörg sýnidæmi og þátttakendur gera einfaldar en fjölbreyttar æfingar undir leiðsögn kennara til að sjá hveru yfirgripsmikil þekking og færni ChatGPT er á ýmsum sviðum og til að læra áhrifaríkar leiðir til að nota tæknina.

Annar dagurinn snýst um að læra á hin ýmsu tól sem ChatGPT býður upp á. Byrjað er á því að skoða notkun á ChatGPT í öðrum viðmótum en á vefnum. Farið er yfir takmarkanir og ókosti tólsins og útskýrt hvernig er gagnlegt að hugsa um tæknina þannig að þátttakendur skilji hvernig ChatGPT er frábrugðið annarri tækni, t.d: leitarvélum, reiknivélum og þýðingartólum. Þá er farið yfir flóknari tól fyrir greiningu og myndræna framsetningu á gögnum. Farið er yfir hvernig ChatGPT getur tengst öðrum þjónustum og hvernig hægt er að gera GPTs fyrir sérhæfð verkefni. Einnig er farið yfir hvernig hægt er að nota ChatGPT í stærri og flóknari verkefnum. Þátttakendur fá að sjá fjölbreytt sýnidæmi og vinna svo í verkefnum sem krefjast notkunar á öllum þessum tólum.

Þátttakendur eru hvattir til að nota ChatGPT í starfi sínu og utan vinnu á milli kennslutíma. Þannig geta þeir betur nýtt seinni daginn þegar kemur að umræðum, bæði með því að deila reynslu og með því að biðja um ráð.

 

      - Þú lærir að nota gervigreindarlausnir til að fást við raunveruleg verkefni á áhrifaríkan hátt.

      - Þú tileinkar þér traustan skilning á ChatGPT:

      -  Þú býrð þig undir stafrænu byltinguna:

• Fagfólk í hvaða geira sem er: Hvort sem þú ert í rafiðnaði, fjármálum, heilbrigðisþjónustu, menntun eða einhverju öðru, getur færni á ChatGPT gjörbreytt því hvernig þú nálgast áskoranir og leysir vandamál í þínu fagi.
• Stjórnendur og leiðtogar: Bættu stefnumótun þína með aðstoð ChatGPT, bættu skilvirkni teymisins vertu leiðandi í nýsköpun.
• Námsmenn og áhugasamir: Náðu forskoti í námi þínu, flýttu fyrir lærdómi og notaðu ChatGPT sem einkakennara í nánast hvaða fagi sem er.
• Skapandi fólk og hönnuðir: Kannaðu hvernig ChatGPT getur aðstoðað við sköpunarferlið þitt og opnað nýjar leiðir til nýsköpunar.
• Kennarar og þjálfarar: Fléttaðu ChatGPT inn í kennsluaðferðir þínar með gerð og yfirferð verkefna eða við gerð áætlana til að bæta upplifun nemenda eða iðkenda.

           

Umsagnir nemanda

"Mjög reynslumiklir og fróðir kennarar sem eiga auðvelt með að miðla þekkingu til annarra á skemmtilega og áhugaverðan hátt. Mæli 100% með þessu námskeiði."

"Uppfyllti allar mínar væntingar. Kennararnir voru frábærir, fróðir, flott tímastjórnun og flæði og gáfu sér góðan tíma í umræður"

"Líklega eitt af 10 bestu námskeiðum sem ég hef set, og ég hef setið þau mörg"

"Mjög spennandi málefni og miklu meiri möguleikar og notagildi en ég bjóst við. Kennararnir fóru mjög vel í gegnum námsefnið af mikilli þekkingu og áhuga."

"Einstaklega fagmannlega að þessu staðið hjá Sverri og Corey, mjög áhugasamir um efnið og skýrir íframsetningu, svöruðu öllum spurningum vel."

"Frábært námskeið og magnað að sjá möguleikana sem gervigreindin býður upp á. Verkefnin og æfingarnar sem farið var í gegnum gefa þátttakendum endalausar hugmyndir. Boðskapur námskeiðsins er í raun að allt er mögulegt og eina hindrunin býr í okkur sjálfum. Takk fyrir mig."